"ეკონომიკური პოლიტიკის კვლევის ცენტრის" უფროსი მკვლევარი და დანიაში საქართველოს ყოფილი ელჩი, გიგი გიგიაძე ფიქრობს, რომ 12 ოქტომბერს ევროკავშირის საგარეო საქმეთა მინისტრების შეხვედრაზე, სადაც საქართველოსშესახებაც უნდა იმსჯელონ, განსახილველი საკითხი ის მდგომარეობა იქნება, რაც ახლა ჩვენს ქვეყანაშია.

გიგიაძე ფიქრობს, რომ ევროკავშირის ენა და გზავნილები ამჟამად უფრო გამკაცრებული იქნება. 

ენა, რომელიც შეარჩია ევროკავშირმა ბოლო პერიოდში, უმკაცრესი გზავნილები, რომელსაც ჩვენ ვისმენთ ევროკავშირის პარლამენტის და ევროკავშირის კომისიის მხრიდან, იქნება კიდევ უფრო გამკაცრებული დარწმუნებული ვარ. 12 ოქტომბერს საუბარი იქნება იმ მდგომარეობაზე, რომელიც არის საქართველოში, იქნება საუბარი საქართველო-ევროკავშირის ურთიერთობებზე.  იმ რეალობაზე, რომელიც შექმნა "ქართულმა ოცნებამ" ბოლო რამდენიმე წლის მანძილზე, როდესაც საქართველოში არის წარმოუდგენლად ბევრი რაოდენობა პოლიტპატიმრებისა, როდესაც მაქსიმალურად არის შეზღუდული საქართველოს სამოქალაქო საზოგადოება. როდესაც იდევნება მაქსიმალურად ნებისმიერი თავისუფალი აზრი და ასევე ოპოზიციური პარტიები არიან რეალურად იმ საფრთის წინაშე, რომ შეიძლება მოხდეს მათი სამართლებრივი გაუქმება. ჩვენ ველოდებით, რომ მოხდება ყველა მნიშვნელოვან საკითხზე ყურადღების გამახვილება, რომელიც დგას დღის წესრიგში ჩვენს შორის", - ამბობს გიგი გიგიაძე. 

ვროკავშირის საგარეო საქმეთა მინისტრები 12 ოქტომბერს საქართველოზე იმსჯელებენ - ევროკავშირის მუდმივ წარმომადგენელთა კომიტეტმა (COREPER) დღეს, 12 ოქტომბერს ლუქსემბურგში გასამართი საგარეო საქმეთა საბჭოს სხდომის დღის წესრიგი დაამტკიცა.

დღის წესრიგით, საბჭოზე განიხილავენ:

• რუსეთის აგრესიული ომს უკრაინის წინააღმდეგ და ევროკავშირისა და წევრი სახელმწიფოების წინააღმდეგ მიმართული მზარდი ჰიბრიდული კამპანიას;
• ახლო აღმოსავლეთს; გაფართოებულ ევროკავშირის გავლენას უსაფრთხოებაზე, ხოლო მიმდინარე საკითხების ფარგლებში საქართველოზე იმსჯელებენ. 

ასევე, გაიმართება არაფორმალური დისკუსია უცხოური ინფორმაციული მანიპულაციისა და ჩარევის წინააღმდეგ ბრძოლისა და სტრატეგიული კომუნიკაციის საკითხებზე.