გახარიას გუნდინომერ მეექვსე პენიტენციურ დაწესებულებაში მომხდარი სავარაუდო გაუპატიურების ფაქტზე სასწრაფო გამოძიებას მოითხოვს.

პარტია "საქართველოსთვის" ასევე ითხოვს  ყველა კადრის სრულად გასაჯაროვებას, გამოძიების მიმდინარეობისას პენიტენციურის სისტემის შესაბამისი ხელმძღვანელის და მხილებული პირების უფლებასმოსილების შეჩერებას გამოძიების დასრულებამდე და დაზარალებული ადამიანის ფიზიკური უსაფრთხოების დაცვას.

როგორც ბრიფინგზე სოფიო ხორგუანმა განაცხადა, მათი პარტიის ფრაქციის დეპუტატები შევლენ პატიმართან და ამ უმძიმეს ფაქტს ბოლომდე მიადევნებენ თვალყურს.

"მივმართავ პირადად პაატა სალიას, პასუხისმგებლობა აიღოს ამ ადამიანის ფიზიკურ უსაფრთხოებაზე", - განაცხადა სოფიო ხორგუანმა. 

"ოცნების" მმართველობის 14 წლის თავზე ვიგებთ საგანგაშო ინფორმაციას, რომ 31 წლის ახალგაზრდა კაცი პენიტენციურ დაწესებულებაში გააუპატიურეს, რაც არის უმძიმესი ამბავი და რაც ყველაზე საგანგაშოა, ამაზე საუბრობს თავად მსხვერპლი თავის სასამართლო პროცესზე. 
ოცნება არის პარტია, რომელმაც ნაც.მოძრაობის ხელისუფლების მემკვიდრეობა გააგრძელა სასამართლოში  ყოფილი ნაცი მოსამართთლეებით, პარლამენტში ყოფილი ნაცი დეპუტატებით და ხელისუფლებაში - ყოფილი ნაცი მინისტრებით. შესაბამისად ამ პირობებში საზოგადოებაში არ არსებობს ნდობა,  რომ იგივე არ ხდება ციხეებშიც. 
მოვითხოვოთ სასწრაფო გამოძიებას აღნიშნულ ფაქტზე. ყველა კადრის სრულად გასაჯაროვებას, გამოძიების მიმდინარეობისას პენიტენციურის სისტემის შესაბამისი ხელმძღვანელის და მხილებული პირების უფლებასმოსილების შეჩერებას გამოძიების დასრულებამდე. დაზარალებული ადამიანის ფიზიკური უსაფრთხოების დაცვას.
ჩვენი გუნდი გამოიყენებს ყველა საპარლამენტო მექანიზმს, რომ აღნიშნული უმძიმესი ფაქტი არ დარჩეს რეაგირების გარეშე. ჩვენი პარტიის ფრაქციის დეპუტატები შევხვდებით პატიმარს, ამ უმძიმეს ფაქტს ბოლომდე მივადევნებთ თვალყურს და საზოგადოებას მივაწვდით სრულყოფილ ინფორმაციას.
მივმართავ პირადად პაატა სალიას, პასუხისმგებლობა აიღოს ამ ადამიანის ფიზიკურ უსაფრთხოებაზე",- განაცხადა სოფიო ხორგუანმა. 

რა მოხდა რუსთავის ციხეში -  პატიმარ გიორგი დავითაძის ბრალდების შემდეგ, რომლის მიხედვითაც ის ბადრაგმა გააუპატიურა, პენიტენციური სამსახურმა 2025 წლის 21 დეკემბერს  დეესკალაციის ოთახში გადაღებული 4 წუთიანი ვიდეომასალა გაავრცელა.

კადრებში ჩანს ფიზიკური დაპირისპირება ბადრაგსა და პატიმარ დავითაძეს შორის. პაატა სალიას უწყება ირწმუნება, რომ პატიმარი ტყუის, როცა სექსუალურ ძალადობაზე საუბრობს. 

შეგახსნებეთ, რომ პატიმარი ბადრაგს გაუპატიურებაში ადანაშაულებს -  შოკისმომგვრელი ჩვენება 36 წლის კაცმა სააპელაციო სასამართლოს დარბაზში მისცა. მეექვსე პენიტენცირი დაწესებულების ბინადარი, გიორგი დავითაძე მოსამართლეს უმტკიცებდა, რომ ციხის სამარტოო საკანში, შურისძიების, დამცირების და ღირსების შელახვის მოტივით, მასზე სექსუალურად იძალადეს.

პატიმრის თანახმად, უმძიმეს დანაშაულს 10-მდე თანამონაწილე ჰყავს -  ისინიც ციხის ბადრაგები არიან. კაცის თქმით, არცერთი ბადრაგი ამ დრომდე პასუხისგებააში არ არის მიცემული.