ბათუმელი მედროშე ციხეს მომდევნო კვირაში დატოვებს - კიდევ ვის უფორმდება საპროცესო?
ოთხი ოქტომბრის საქმეზე მსჯავრდებული ბათუმელი მედროშე ციხეს მომდევნო კვირაში დატოვებს - რამდენიმე წუთის წინ სააპელაციო სასამართლოს სხდომაზე გახდა ცნობილი, რომ ზურაბ ჭავჭანიძე საპროცესო შეთანხმებას პროკურატურასთან ორშაბათს გააფორმებს.
ორშაბათს გაუფორმდება საპროცესო შეთანხმებას ასევე კიდევ ერთ 4 ოქტომბრის აქციის მონაწილეს - ანტონ ვარდანიძეს.
ერთი წელი და ერთი თვე რეალური სასჯელი და ორი წელი პირობითი მსჯავრი - ეს არის შეთანხმეის პირობები, რომელზეც მხარეები შეთანხმდნენ.
ზურაბ ჭავჭანიძეს და ანტონ ვარდანიძეს თბილისის საქალაქო სასამართლომ 5 წლით თავისუფლების აღკვეთა მიუსაჯა.
