თბილისის ერთ-ერთი სკოლის მოსწავლეებს შორის მომხდარი დაპირისპირების შესახებ “პირველებს“ დამატებით ინფორმაციას აწვდიან.

წყარო, გვატყობინებს, რომ 16 წლის მოზარდებს შორის დაპირისპირება ნამდვილად საგანმანათლებლო პროცესის დროს, მას შემდეგ დაიწყო, რაც ერთ-ერთმა მოსწავლემ მეორეს სათამაშო თვითმფრინავი გაარტყა.

კონფლიქტი და ფიზიკური დაპირისპირება საჯარო სკოლის მიმდებარე ტერიტორიაზე მოხდა.

“სიტყვიერი შელაპარაკება სკოლის გარეთ გაგრძელდა, სადაც იგივე მოზარდი თანაკლასელს ფიზიკურად გაუსწორდა” - აცხადებს პირველების წყარო.

შსს-ში “პირველებს“ განუცხადეს, რომ მომხდარზე გამოძიება ძალადობის მუხლით დაიწყო.  უწყების ცნობით, ფაქტზე ერთი პირია მხილებული.

ინფორმაცია, რომ ქაღალდის თვითმფრინავის სროლის გამო 16 წლის ბიჭს სცემეს, პირველებმა დღეს, 3 ნოემბერს გაავრცელა.