მეტროსადგურ სარაჯიშვილზე მგზავრების მიღება და მუშაობა განახლდა. ამის შესახებ ინფორმაციას თბილისის სატრანსპორტო კომპანია ავრცელებს.

"მეტროსადგურ სარაჯიშვილის ესკალატორზე არსებული დაზიანება შეკეთდა და სადგურმა მგზავრთა მომსახურება განაახლა". - წერია კომპანიის განცხადებაში.

ესკალატორზე შექმნილი ტექნიკური ხარვეზის გამო, მეტროსადგური სარაჯიშვილი მგზავრებს რამდენიმე საათის განმავლობაში ვერ ემსახურებოდა.