ცოლ-ქმარს 2 ნიღბიანი პირი ლიფტში შეჰყვა და ესროლა - თბილისში მომხდარი მკვლელობის ახალი დეტალები
"პირველებმა" თბილისში, ბარათაშვილის სანაპიროზე მომხდარი მკვლელობის ახალი დეტალები გაარკვია - მოკლულია 60 წელს გადაცილებული ცოლ-ქმარი.
"ტვ პირველის" ინფორმაციით, სახლში მიმავალ ცოლ-ქმარს სადარბაზოში, ლიფტში ორი ნიღბიანი პირი შეჰყვა და ცეცხლსასროლი იარაღიდან ესროლა.
როგორც "პირველებს" ეუბნებიან, ცოლ-ქმარი სავაჭრო ცენტრ "საბაში" არიან დასაქმებულები.
ჩვენთვის მოწოდებული ინფორმაციის თანახმად, სავარაუდო დანაშავეები მომხდარის შემდეგ ადგილიდან მიიმალნენ.
შეგახსენებთ, რომ სისხლიანი ანგარიშსწორება დიდუბეში, გერმანული ჰოსპიტლის გვერდით, ცენტრ-პოინტის საცხოვრებელ კორპუსში ცოტა ხნის წინ მოხდა.
