ნადარაიამ უპასუხა კითხვას, ვინ იმყოფებოდა "ოცნებიდან" საკონსტიტუციო სასამართლოს 30 წლისთავისადმი მიძღვნილ ღონისძიებაზე
საკონსტიტუციო სასამართლოს თავმჯდომარე, რევაზ ნადარაია ამტკიცებს, რომ საკონსტიტუციო სასამართლოს 30 წლისთავისადმი მიძღვნილ ღონისძიებას მოსარჩელე მხარის არცერთი წრმომადგენელი არ ესწრებოდა.
"ბრძანდებოდით ბატონებო?" - მიმართა ნადარაიამ სხდომაზე წარმოდგენილ არჩილ გორდულაძეს, გიორგი კახიანს, თორნიკე ჭეიშვილს და თენგიზ შარმანაშვილს და კითხვასაც პასუხი თავად გასცა - "არცერთი არ იყო".
ნადარაია ირწმუნება, რომ ღონისძიებაზე მხოლოდ სამეცნიერო საზოგადოება და უმაღლესი პოლიტიკური თანამდებობის პირები იყვნენ.
მოსამართლის განცხადებით, მოსარჩელეებიდან ერტადერთი ვინც ღონისძიებას ესწრებოდა, ეს პარლამენტის თავმჯდომარე შალვა პაპუაშვილი იყო - "ისიც მხოლოდ გახსნით ცერემონიალზე".
რაც შეეხება კონფერენციას, არავისთან ვარ ვალდებული... მოწვევასთან დაკავშირებითაც გამოიხატა პრეტენზიები, ვინ მოვიწვიეთ და ვინ არა. იყო სამეცნიერო საზოგადოება და გახსნით ცერემონიალზე იყვნენ უმაღლესი პოლიტიკური თანამდებობის პირები. რაც შეეხება მოსარჩელეებისკენ ხელის გაშვერას, რომ კონფერენცია აღინიშნა მოსარჩელეებთან ერთად, ბრძანდებოდით ბატონებო? არცერთი არ იყო, გარდა პარლამენტის თავმჯდომარისა, ისიც გახსნით ცერემონიალზე“, - განაცხადა რევაზ ნადარაიამ.
რაც შეეხება ზაზა ბიბილაშვილის რეპლიკას, მან თქვა, რომ ამ დრომდე არ მიულოცია „ინსტიტუციის იუბილე, რომელიც აღინიშნა მოსარჩელეებთან ერთად“.
სხვათა შორის, მე არ მომილოცია სასამართლოს 30 წლისთავი, რომელიც ორი კვირის წინ აღნიშნეთ მოსარჩელე მხარესთან ერთად. სხვათა შორის, მოსარჩელე მხარის პირველმა პირმა განაცხადა პირველ პირში, რომ „ჩვენ ვაუქმებთ პარტიებსო“. თქვენ ამასთან დაკავშირებით მოსარჩელისთვის, რამდენადაც მე ვიცი, კითხვა არ დაგისვამთ“, - განაცხადა ზაზა ბიბილაშვილმა.
ცნობისთვის, საკონსტიტუციო სასამართლომ 30 წლის იუბილესადმი მიძღვნილი საერთაშორისო კონფერენცია 5 ნოემბერს გამართა.