იმ ტიპის ფორმატები, რომლებშიც ქოცები დაბორიალობენ აღმა-დაღმა, არაფრის მომტანი არ იქნება - გრიგოლ გეგელია
“ლელო ძლიერი საქართველოს“ ერთ-ერთი ლიდერი,გრიგოლ გეგელია მიიჩნევს, რომ ისეთი ფორმატები, რომელიც საქართველოს სთავაზობს რუსეთის პირისპირ, მარტო დაჯდომას, გამართლებული არ არის.
მისი თქმით, ქვეყანას სჭირდება მოლაპარაკების ისეთი ფორმატები, რომელშიც ჩართულები იქნებიან პარტნიორი, დიდი სახელმწიფოები.
ისეთი ფორმატები, რომელიც საქართველოს სთავაზობს რუსეთის პირისპირ, მარტო დაჯდომას, ჩვენი ღრმა რწმენით, არ არის სწორი და გამართლებული ეროვნული უსაფრთხოების და საგარეო პოლიტიკური ინტერესების გათვალისწინებით, ჩვენ გვჭირდება მოლაპარაკების ისეთი ფორმატები, რომელშიც ჩართულები იქნებიან ჩვენი პარტნიორი, დიდი სახელმწიფოები, როგორც ნეიტრალური არბიტრები, საერთაშორისო სამართლისა და ისტორიული დამცველები ჩვენი ქართული სახლემწიფოებრივი სუვერენულობისა. შესაბამისად, ამ ტიპის ფორმატები, რომლებშიც ქოცები დაბორიალობენ აღმა-დაღმა, არავითარი სიკეთის მომტანი არ იქნება საქართველოსთვის, - განაცხადა გრიგოლ გეგელიამ.
მინსკში დღეს, 19 ნოემბერს გიორგი ზურაბაშვილსა და მიხაილ გალუზინს შორის პირველი ორმხრივი შეხვედრა გაიმართება.
"პირველების" ინფორმაციით, ირაკლი კობახიძის სპეცწარმომადგენელი, გიორგი ზურაბაშვილი რუსეთთან პირდაპირი მოლაპარაკებებისთვის მინსკში გუშინ ჩავიდა. მისნკში იმყოფება რუსეთის საგარეო საქმეთა მინისტრის მოადგილე მიხაილ გალუზინიც.
ცნობისთვის, ორშაბათს გიორგი ზურაბიშვილმა "პირველებს" უთხრა, რომ შეხვედრისთვის მზად იყო, თუმცა არ დააკონკრეტა როდის გაიმართებობა ეს შეხვერდა. სერგეი ლავროვის მოადგილემ კი გუშინ იმედი გამოთქვა, რომ გიორგი ზურაბაშვილთან შეხვედრა უახლოეს პერიოდში გაიმართებოდა.