როგორ უნდა შეამოწმოთ ბინაში არსებული გაზის ქსელი უფასოდ! - სპეციალისტის საგანგებო მიმართვა

19.11.26 21:57
როგორ უნდა შეამოწმოთ ბინაში არსებული გაზის ქსელი უფასოდ! - სპეციალისტის საგანგებო მიმართვა

„თბილისი ენერჯის“ დირექტორის მოადგილე გიორგი ლეფსვერიძე  მოქალაქეებს მიმართავს - მაღალჩინოსაბმა  TV პირველის ეთერში თქვა, რომ გაზის ქსელის შემოქმება აბონენტებს სრულიად უფასოდ შეუძლიათ: 

მინდა კარგად მომისმინოს თითოეულმა მაყურებელმა: დაახლოებით 6-7 წელია ტელეეთერით მოვუწოდებთ ყველა აბონენტს. ყველას, ვისაც კი დააინტერესებს, რა მდგომარეობაშია ოჯახში არსებული გაზის ქსელი, დარეკოს 240-40-04-ზე, ეს არის ჩვენი ხაზის ტელეფონი 24/7-ზე და მარტივად მოითხოვოს - „მაინტერესებს და შემიმოწმეთ ჩემს ბინაში არსებული გაზის ქსელი და დანადგარები რამდენად უსაფრთხოა“.

ეს მომსახურება არის სრულიად უფასო. მოთხოვნიდან მეორე, მაქსიმუმ, მესამე-მეოთხე დღეს აუცილებლად მოვლენ ჩვენი სპეციალისტები და შეამოწმებენ. ან მისცემენ რჩევებს, რა გამოასწოროს, ან საფრთხის შემთხვევაში ექნებათ რეაგირება. ეს არის სრულიად უფასო და ნებისმიერს შეუძლია ისარგებლოს ამ მომსახურებით,“ - აცხადებს ლეფსვერიძე.

ბოლო ინფორმაციით, მაშველებმა ქვემო ფონიჭალაში, კორპუსის ნანგრევებში მოყოლის შედეგად დაღუპული მეხუთე ადამიანის ცხედარი ამოასვენეს.

ამ ეტაპზე ნანგრევებში მცირეწლოვანს ეძებენ. 

მაშველებს საღამოს რვა საათისთვის ოთხი ადამიანის ცხედარი ჰყავთ ამოსვენებული - მათგანი ერთი ბავშვია, სამი კი ქალი. რიგით მეხითე ცხედარი კი ახალგაზრდა კაცს ეკუთვნის. 

დღის ბოლოს,  მაშველებმა ცოცხალი ამოიყვანეს ერთი მცირეწლოვანი ბავშვი - სამი წლის თაია, რომელიც კონტაქტურია და კლინიკაში უტარდება შესაბამისი კვლევები. 

19 ნოემბრის დილით, ქვემო ფონიჭალაში სავარაუდოდ ბუნებრივი აირის დაგროვების შედეგად აფეთქება მოხდა. კლინიკაში სხვადასხვა დაზიანებებით 5 ადამიანი გადაიყვანეს. 

მომხდარზე დაწყებულია გამოძიება სისხლის სამართლის კოდექსის 240-ე პრიმა მუხლის პირველი ნაწილით, რაც უსაფრთხოების წესის დარღვევით განვითარებულ მოვლენებს გულისხმობს.

 

მსგავსი სიახლეები