მუსელიანი: მაშველებს მოქალაქეები უსაფრთხოების ნორმების დაცვით შეჰყავთ კორპუსში და პირადი ნივთების გამოტანაში ეხმარებიან
ქვემო ფონიჭალაში აფეთქების ადგილას მეხანძრე-მაშველები მუშაობენ - თბილისის სახანძრო სამაშველო ძალების მთავარი სამმართველოს უფროსის, ლევან მუსელიანის განცხადებით, მაშველებს ადგილზე მისული მოქალაქეები სრული უსაფრთხოების ნორმების დაცვით შეჰყავთ საცხოვრებელ კორპუსში და პირადი ნივთების გამოტანაში ეხმარებიან
მეხანძრე-მაშველებს ადგილზე გამოცხადებული მოქალაქეები სრული უსაფრთხოების ნორმების დაცვით შეჰყავთ საცხოვრებელ კორპუსში. პირადი ნივთების გამოტანაში ეხმარებიან. რაც შეეხება მეხანძრე-მაშველების მხრიდან დავალების შესრულებას - უსაფრთხოებას მაღალ დონეზე უზრუნველყოფენ, რომ ჩვენი მოქალაქეები იყვნენ მაქსიმალურად დაცულები და თავიანთი საცხოვრებელი ბინებიდან პირველადი მოხმარების ნივთები გამოიტანონ,“ - განაცხადა მუსელიანმა.
19 ნოემბრის დილით, ქვემო ფონიჭალაში სავარაუდოდ ბუნებრივი აირის დაგროვების შედეგად აფეთქება მოხდა. დაიღუპა 6 ადამიანი, მათ შორის 2 მცირეწლოვანი. კლინიკაში სხვადასხვა დაზიანებებით 5 ადამიანი გადაიყვანეს.
მომხდარზე დაწყებულია გამოძიება სისხლის სამართლის კოდექსის 240-ე პრიმა მუხლის პირველი ნაწილით, რაც უსაფრთხოების წესის დარღვევით განვითარებულ მოვლენებს გულისხმობს.
მსგავსი სიახლეები
რადიო თავისუფლება: „რუსთავი 2“ ტრაგედიის დღეს მეტას ფულს უხდიდა იმ პოსტების ხილვადობის გასაზრდელად, რომლითაც ირწმუნება, რომ ოპოზიცია ტრაგედიით მანიპულირებს
„რუსთავი 2“-მა რამდენიმე პოსტი რეკლამაზეც გაუშვა მეტი ხილვადობისთვის იმ დროს, როცა სამაშველო ოპერაცია დასრულებული არ იყო"