ქვემო ფონიჭალაში ამბობენ, რომ კორპუსში ცხოვრება სახიფათოა - ადგილობრივების თქმით, შენობის პრობლემურობაზე საუბარი 2016 წლის დასკვნაშიც იყო

20.11.26 15:31
ქვემო ფონიჭალაში ამბობენ, რომ კორპუსში ცხოვრება სახიფათოა - ადგილობრივების თქმით, შენობის პრობლემურობაზე საუბარი 2016 წლის დასკვნაშიც იყო

ქვემო ფონიჭალაში, იმ კორპუსის მაცხოვრებლები, რომლის ორი სადარბაზოც აფეთქების გამო ჩამოინგრა, თავს დაცულად ვერ გრძნობენ - ადგილობრივები "პირველებს" ეუბნებიან, რომ გუშინ მთელი ღამე შიშში გაათენეს, რადგან ძლიერი ვიბრაციას ისევ გრძნობდნენ.

გარდა ამისა, 6 სადარბაზოიანი კორპუსის მკვიდრები ამბობენ, რომ არსებობს 2016 წელს აზიის განვითარების ფონდის დასკვნა, სადაც ნათქვამია, რომ კორპუსი სავალალო მდგომარეობაში იყო. მაშინ ადგილობრივებმა კორპუსიდან სხვაგან გასახელბა მოსთხოვეს სახელმწიფოს, თუმცა ეს არ დაუკმაყოფილდათ.

გარდა ამისა, როგორც ადგილზე ამბობენ, კორპუსი საბჭოთა პერიოდის დროს 1968 წელს არის აშენებული და ექსპლუატაციის პერიოდიც გასული აქვს. 

ამ ფაქტების და გუშინდელი ტრაგედიის გათვალისწინებით, ხალხი ამბობს, რომ კირპუსში ცხოვრება უკვე სიცოცხლისთვის საშიშია. 

ღამის 2-3 საათზე ვიგრძენი ძლიერი ვიბრაცია. არვიცი, აქ რომ მუშაობდენ იმის გამო, თუ რა იყო. საერთოდ რომ აფეთქდა მაშინ იყო ძლიერი ვიბრაცია და ვფიქრობ, რომ ეს კორპუსი უკვე უსაფრთხო არ არის საცხოვრებლად. ამბობენ, რომ სამხარაულმა დადო დასკვნა მდგრადობასთან დაკავშირებით, მაგრამ მე ვითხოვდი ოფიციალურ დოკუმენტს, რის საფუძელზე მოხდა. 

 აზიის განვითარების ფონდს ჰქონდა გარემოს ზემოქმედების ანგარიში დადებული 2016 წელს თბილისის-რუსთავისავტობანთან დაკავშირებით, სადაც იყო მითითებული, რომ ყველა კორპუსი იყო სავალალო მდგომარეობაში. ეს კორპუსი არის 1968 წელს აშენებული და ექსპლუატაციის ვადა უკვე გასული აქვს. ვისაც მე პირადად ვხდებოდი, ეს იყო ჯუანშერ ბურჭულაზე, იყო დავით ტაბიძე, რომლებიც ამ ეტაპზე არიან საპყრობილეში. ამბობდნენ, რომ ჩვენ რატომ უნდა გადაგიხადოთ ბიუჯეტის ფული, რომ გაგასახლოთ. მოკლედ ამათ უნდოდათ რომ გაეყვანათ ეს ავტობანი. ჩვენ ვაცნობიერებდით, რომ სახელმწიფოსთვის სტარტეგიული მნიშვნელობის იყო ეს გზა, შესაბამისად, ვითხოვდით სხვა ადგილას გასახელებას. ამათი პასუხი იყო, რომ ჩვენ რატომ უნდა გადაგიხადოთ ბიუჯეტის ფულიო", - ამბობს ადგილობრივი. 

19 ნოემბრის დილით, ქვემო ფონიჭალაში სავარაუდოდ ბუნებრივი აირის დაგროვების შედეგად აფეთქება მოხდა. დაიღუპა 6 ადამიანი, მათ შორის 2 მცირეწლოვანი. კლინიკაში სხვადასხვა დაზიანებებით 5 ადამიანი გადაიყვანეს. 

მომხდარზე დაწყებულია გამოძიება სისხლის სამართლის კოდექსის 240-ე პრიმა მუხლის პირველი ნაწილით, რაც უსაფრთხოების წესის დარღვევით განვითარებულ მოვლენებს გულისხმობს

 

მსგავსი სიახლეები