სისხლიანი ანგარიშსწორება გურიაში - 62 წლის კაცის დაჭრისთვის ისრაელის მოქალაქე დააკავეს. 

შემთხვევა  გურიაში, ოზირგეთის სოფელ ცრემლისხიდში მოხდა. გომელაურის უწყების ცნობით, დაკავებულმა ახლად შეძენილი საცხოვრებელი სახლის ყოფილ მეპატრონეს სცემა, შემდეგ ცივი იარაღით დაჭრა და მიიმალა. 

დანაშაული 3-დან 6 წლამდე ვადით თავისუფლების აღკვეთას ითვალისწინებს.

დაჭრილი მამაკაცი კლინიკაში გადაიყვანეს, სადაც შესაბამისი მკურნალობა უტარდება.

უწყების განცხადებით, პოლიციამ დაკავებულის პირადი ჩხრეკისას დანაშაულის ჩადენის იარაღი - დანა ნივთმტკიცების სახით ამოიღო.

ჯანმრთელობის განზრახ მძიმე დაზიანების ფაქტზე გამოძიება საქართველოს სისხლის სამართლის კოდექსის 117-ე მუხლის 1-ლი ნაწილით მიმდინარეობს.