დიღმის მასივში  მომხდარი აფეთქების შედეგად დაშავებული მამაკაცი დამწვრობის ცენტრში, რეანიმაციულ განყოფილებაშია მოთავსებული. 60 წლამდე მამაკაცს სხეულის 20% აქვს დამწვარი. ექიმების თქმით, ამ ეტაპზე პაციენტის მდგომარეობა სტაბილურია. 

კლინიკაში შემოვიდა 60 წლამდე მამაკაცი. სავარაუდოდ, გაზის აფეთქების შედეგად აღენიშნება სხეულის თერმული დამვწრობა 20%, დამწვარია თავი, ორივე მტევანი და წინა მხრები. გარდა დამწვრობისა აღენიშნება ზემო სასუნთქი გზების თერმული ინჰალაციური დაზიანება. მოთავსებულია რეანიმაციის განყოფიელბაში, ამჟამად მისი მდგომარეობა არის სტაბილური", - ამბობს გუგა ქაშიბაძე. 

აფეთქება დიღმის მასივში, ერთ-ერთ კორპუსში  დღეს დილას მოხდა. აფეთქების მიზეზის დასადგენად ადგილზე ექსპერტები მუშაობენ. შემთხვევას მსხვერპლი არ მოჰყოლია, დაშავებული ბინის მეპატრონე კი ხეჩინაშვილის სახელობის კლინიკაშია გადაყვანილი. წინასწარი ინფორმაციით, აფეთქება კორპუსის ერთ-ერთ ბინაში მიმდინარე სარემონტო სამუშაოებმა გამოიწვია.