საკოორდინაციო საბჭო შეზღუდვების დიდ ნაწილს ხსნის.

დღევანდელი გადაწყვეტილებით, მარტიდან ქვეყენაში კორონავირუსის გამო მოქმედი შეზღუდვები შემსუბუქდება.

• უქმდება კოვიდსასტუმროები;
• უქმდება თერმოსკრინინგისა და დეზობარიერის ქონის ვალდებულება;
• 1 მარტიდან ქორწილების, ქელეხებისა და წვეულებების გამართვა დასაშვები ხდება;
• ღია სივრცეში ერთ მაგიდასთან დაშვებული ადამიანების რიცხვი 15-მდე იზრდება, დახურულში - 10-მდე;
• აუცრელი და გაუტესტავი მოქალაქეებისთვის თვითიზოლაციის ვადა 5 დღემდე მცირდება;
• 15 მარტიდან კონფერენციების, სემინარებისა და ტრენინგების ჩატარება დაშვებული იქნება.

ოპერაციული შტაბის უფროსის, გიორგი ღიბრაძის თქმით, პირველი მარტიდან შესაძლოა ეს შემსუბუქებები უფრო მრავალფეროვანი გახდეს და გაფართოვდეს.