სამოქალაქო აქტივისტებმა რუსთაველზე კარვების ქალაქის ნაწილი დაშალეს

07.04.21 15:28
სამოქალაქო აქტივისტებმა რუსთაველზე კარვების ქალაქის ნაწილი დაშალეს

სამოქალაქო აქტივისტებმა რუსთაველის გამზირზე კარვების ქალაქის ნაწილი დაშალეს. უწყვეტი პროტესტის მონაწილეები ამბობენ, რომ 9 აპრილის მემორიალთან მისვლა ნებისმიერ ადამიანს უნდა შეეძლოს, ამიტომაც  მიიღეს აღნიშნული გადაწყვეტილება.

სპეციალურად ვიღებთ კარვებს.  ყველას უნდა ჰქონდეს შესაძლებლობა, მოვიდეს 9 აპრილის მემორიალთან და გულისტკივილი გამოხატოს - აცხადებს მალხაზ მაჩალიკაშვილი, სპეცოპერაციის შედეგად მოკლული თემირლან მაჩალიკაშვილის მამა.

სამოქალაქო აქტივისტები აცხადებენ, რომ 9 აპრილის ღონისძიებების დასრულების შემდეგ კარვები რუსთაველზე კვლავ დაიდგმება.

სამოქალაქო აქტივისტები 9 აპრილს  დაგეგმილ კონტრაქციასაც გამოეხმაურნენ და საგამოძიებო უწყებას პროვოკაციის თავიდან აცილების მოთხოვნით მიმართეს.