ექიმების შეცდომა თუ უბედური შემთხვევა? - გამოძიებამ უნდა დაადგინოს, რა გახდა 7 წლის მოზარდის კლინიკაში გარდაცვალების მიზეზი. 

მანაგაძის კლინიკის მედპერსონალის ნაწილი ამ წუთებში პოლიციას ჩვენებს აძლევს, ნაწილი კი უკვე გამოიკითხა.

სამართალდამცავებს ჩვენება მისცა იმ ანესთეზიოლოგმაც, რომლის შეცდომასაც ოჯახის მტკიცებით,  7 წლის ბავშვის სიცოცხლე შეეწირა.

შს სამინისტრომ 7 წლის ბავშვის გარდაცვალების საქმესთან დაკავშირებით გამოძიება 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.

სამედიცინო და ფარმაცევტული საქმიანობის რეგულირების სააგენტომ უროლოგიის ეროვნული ცენტრში 7 წლის ბავშვის გარდაცვალების საქმის შესწავლა დაიწყო.

გიორგი ადმიას ცხედარი ექსპერტიზის შემდეგ სენაკში გადაასვენეს.ოჯახი ექიქმების დასჯას ითხოვს.  მანაგაძის სახელობის უროლოგიის ეროვნულ ცენტრში 7 წლის ბიჭი ანესთეზიის გაკეთების შემდეგ გარდაიცვალა. ბავშვის დედის განცხადებით, მოზარდს ანესთეზიის ზედმეტი დოზა გაუკეთეს.