პოლიცია იყო ცოტა ხნის წინ მობილიზებული ისანში, სადაც რუსეთის და ბელორუსის მოქალაქეები ნაქირავები ბინიდან გამოსვლაზე უარს ამბობენ და მფლობელს არც კუთვნილ ფულს უხდიან. 

ირკვევა, რომ ქირით ბინაში შესახლებულებმა მფლობელის პირადი ნომერი თაღლითური გზით მიოპოვეს და ბინაში ისე დარეგისტრირდნენ, რომ მფლობელს ამის უფლბა არ მიუცია. 

საქართველოს მოქალაქე, რომელმაც ბინა გააქირავა ახლა სასამართლოს გზით ცდილობს დაიბრუნოს კუთვნილი უძრავი ქონება, საიდანაც შესახლებულები არ გამოდიან. 

როგორც პოლიცია ამბობს, მსგავსი შემთხვევები ბოლო დროს ბევრია.

ბინის მეპატრონე ამბობს რომ ბელორუსმა და რუსმა მოქალაქემ მაისში იქირავეს სახლი, ორი თვის შემდეგ კი პრობლემები დაიწყო, როდესაც მდგმურები არც გადასახადს იხდიდნენ და არც ქირას.

ჩვენ ეს ბინა მივაქირავეთ ბელორუსის მოქალაქეს და რუსეთის მოქალაქეს. ეს ნარატივი ააწყვეს მათ, რომ რეჟიმს გამოექნენ რუსეთიდან. მოტყუებით გამომართვა მამაჩემის პირადობის მოწმობა, ამითი მან ამოიღო საკადასტრო კოდი, წავიდა ამ კოდით იუსტიციის სახლში, წაიყვანა ორი მოწმე და ამ ორი მოწმის ჩვენებით, მალულად ჩაეწერნენ ჩვენს ბინაშ. მსგავსი მეთოდებით იტაცებენ ქართველების საკუთრებებს“. - ამბობს ბინის მეპატრონე.

რუსი და ბელარუსი მოქალაქეები კამერასთან კომენტარს არ აკეთებენ ამბობენ, რომ მათი ადვოკატი გასცემს სამართალდამცველებს ყველაფერზე პასუხს.