ვაკის პარკში მომხდარ უბედურ შემთხვევასთან დაკავშრებით შსს-მ გამოძიება დაიწყო. ამ წუთებში ვაკის პოლიციაში გამოკითხვები მიმდინარეობს.  სამართალდამცველები იმ კომპანიის დირექტორს ჰკითხავენ, რომელიც ვაკის პარკში გახორციელებულ სარეაბილიტაციო სამუშაოებზეა პასუხისმგებელი. 

კომპანია "გრინსერვისს პლუსის" ხელმძღვანელმა, ლაშა ფურცხვანიძემ უნდა თქვას, იყო თუ არა დაცული უსაფრთხოების ყველა ნორმა რეაბილიტირებულ შადრევანში. 

"პირველებმა" ფურცხვანიძესთან დაკავშირება სცადა, თუმცა მან სატელეფონო ზარებს არ უპასუხა.