თბილისის საქალაქო სასამართლოში ბოლო დროის ერთ-ერთი ყველაზე ხმაურიანი საქმის პროცესი დასრულდა.

მოსამართლე მიხეილ ჯინჯოლიამ ვაკის პარკში მომხდარი ტრაგედიის საქმეზე დაკავებულ 9 პირს აღკვეთის ღონისძიების სახით პატიმრობა შეუფარდა. 

შესაბამისად სასამართლომ პროკურატურის შუამდგომლობა დააკმაყოფილა.  დაკავებულების ადვოკატები კი ბრალდებულების სასამართლო დარბაზიდან გათავისუფლებას ითხოვდნენ. 

 არც ერთი დაკავებული დანაშაულს არ აღიარებს. 

რეზონანსულ საქმეზე პოლიციამ ხელბორკილები 9 პირს ოი დღის წინ, 18 ოქტომბერს დაადო. 

დანარჩენ 7 დაკავებულთან ერთად, განსასჯელის სკამზე ზიან  კომპანია "გრინსერვის პლუსის" ხელმძღვანელი ლაშა ფურცხვანიძე და თბილისის მერიის გარემოს დაცვის სამსახურის უფროსის მოადგილე გიორგი ვახტანგაშვილი.