კრიტიკული მედია  ვერდიქტის მოლოდინშია. მოვლენების ეპიცენტრი დღეს სააპელაციო სასამართლოა, სადაც ნიკა გვარამიას განაჩენი უნდა გამოცხადდეს. დასრულდება თუ არა ნიკა გვარამიას 5 თვიანი უკანონო პატიმრობა წუთი-წუთზე გაირკვევა. სხდომა ზუსტად 11:00 საათზეა ჩანიშნული.  

"მთავარი არხის "  დამფუძნებლის ბედი  მოსამართლეთა კოლეგიის ხელშია.  ბოლო დროის ყველაზე გახმაურებულ საქმეზე  განაჩენი სხდომათა დარბაზში მოსამართლეებმა - მერაბ ჯორბენაძემ, ლავრენტი მაღლაკელიძემ  და დავით მამისეიშვილმა უნდა გამოაცხადო.

გადაწყვეტილების გამოცხადებას სასმართლლოს ეზოში ჟურნალისტები, მედიამენეჯერები და პოლიტიკოსებიც ელოდებიან. 

ცნობისთვის, ნიკა გვარამიას საქალაქო სასამართლომ 3 წლითა და 6 თვით პატიმრობა 16 მაისს შეუფარდა. მას პროკურატურა  ჯერ კიდევ "რუსთავი 2"-ის დირექტორობის დროს სამაუწყებლო კომპანიის "კანონიერი ინტერესების საწინააღმდეგოდ უფლებამოსილების ბოროტად გამოყენებასა და მისი კუთვნილი დიდი ოდენობით თანხის სამსახურებრივი მდგომარეობით გამოყენებას" ედავება.