რესტორან "ვოქსში" გაჩენილი ხანძარი ლოკალიზებულია.

შსს-ს საგანგებო სიტუაციების მართვის სამსახურის ინფორმაციით ვითარება კონტროლს ექვემდებარება და ცეცხლის გავრცელების საფრთხე არ არის.

უწყების ინფორმაციით, ადგილზე 10-ზე მეტი სახანძრო-სამაშველო ჯგუფი მუშაობდა. მომხდარის შედეგად არავინ დაშავებულა.

ბათუმში, აღმაშენებლისა და კობალაძის ქუჩაზე, მრავალსართულიანი საცხოვრებელ კორპუსის ბოლო სართულზე მდებარე რესტორანში ხანძარი დაახლოებით 2 საათის წინ გაჩნდა.