გაცილებით რთული სიტურაციაა, ვიდრე ეკრანზე  და სოციალურ ქსელებში ჩანს - ამის შესახებ "პირველებს" თურქეთში მცხოვრები ქართველები უყვებიან, რომლებიც მოხალისეებად მუშაობენ და ნანგრევებში მოყოლილი ადამიანების გადარჩენას ცდილობენ. 

მათი თქმით, მთავრობას სტიქიის ზონაში არასწორი ლოჯისტიკა ჰქონდა - დააგვიანა პირველადი საჭიროებების პროდუქტების მიწოდება და სხვა. 

მოხალისეების თქმით, სავადმყოფოები გადავსებულია, ამიტომ დაშავებულების ერთი ქალაქიდან მეორეში გადასაყვანად მინიმუმ 10 საათია საჭირო. 

მიწისძვრის შედეგად  განადგურებულ გაზიანტებში ამ დრომდე საქართველოს ორ მოქალაქეს ეძებენ.  ემიგრაციაში წასული ქართველების კვალზე ჯერ-ჯერობით თურქი მაშველები ვერ გადიან.  ბოლო ცნობებით, თურქეთსა და სირიაში მიწისძვრის შედეგად დაღუპულთა რიცხვმა 15 000 გადააჭარბა... მხოლოდ თურქეთში დაღუპულია 12 ათასზე მეტი ადამიანი.ორივე ქვეყანაში ერთად  კი დაზარალებულია დაახლოებით 13 მილიონი მოქალაქე.

ზოგიერთ ქალაქში სამაშველო სამუშაოები უკვე დასრულდა. ახლა კი მოხალისეებთან ერთად მაშველებიც ტერიტორიას ნანგრევებისგან ასუფთავებენ. რთული ვითარება საავადმყოფოებშიც.