ორი დღე სინოდის სხდომამდე - ეპოსკოპოსებმა არ იციან, რის გამო დაიბარა ილია მეორემ მღვდელმთავრები საპატრიარქოში. ორწლიანი პაუზის შემდეგ მაღალი იერარქები პირველად შეიკრიბებიან. ერთ-ერთი ვერსიით, შეკრების თემა უკრაინის ავტოკეფალიის აღიარების საკითხი იქნება. 

ყველაფერი გამოწვეყნდება სინოდის შემდეგ. ჩვენთან დემოკრატია არ არის ეკლსიაში, არის თეოკრატია. რა იქნება დღის წესრიგში, ასე სალაყბოზე გამოსატანად არ გვინდა. ვისაც რა უნდა, იმას ელოდოს. ეკლესიაში ხომ გყავთ მჩხიბავები, ზოგი არის, აცვიათ რარაცეები და მჩხიბავების მიმართულებით მუშაობენ, რარაცეებს ვარაუდობენ, რარაცეებს წინასწარმეტყველებენ... ასევე გყავთ იქ კიდევ საერო მჩხიბავები, რომლებიც წინასწარმეტყველებენ. იწინასწარმეტყველონ, მე რა უნდა ვილაპარაკო. მე რაც იქნება ფაქტი, იმაზე კომენტარს გავაკეთებ, - თქვა ჭყონდიდის, ცაგერისა და ლენტეხის მიტროპოლიტმა მეუფე სტეფანემ.