პოლიციამ აქციაზე MMA-ს ქართველი მებრძოლი, მათე სანიკიძე დააკავა - რა ინფორმაციას ავრცელებს სპორტსმენის მეუღლე
პოლიციამ გუშინ რუსული კანონპროექტის საწინააღმდეგო აქციაზე, MMA-ს ქართველი მებრძოლი, მათე სანიკიძე დააკავა. მისი მეუღლის ინფორმაციით, სანიკიძე ბაკურიანშია გადაყვანილი:
"მეგობრებო,მათე აქციაზე დააკავეს.. გადაყვანილია ბაკურიანში, ჩანიშნულია პროცესი - დღეს ან ხვალ. ვიმედოვნებთ, ყველაფერი იქნება კარგად და თავისუფლებისთვის მებრძოლ ჩემპიონსა და ქმარს მალე დავიბრუნებ(თ).."- წერს ფეისბუქზე მარიამ კბილაშვილი.
დაკავებამდე სპორტსმენი სოციალურ ქსელშ წერდა, რომ ურჩევნია ევროპაში უფასოდ იბრძოლოს, ვიდრე მილიარდის სანაცვლოდ რუსეთში.
"მირჩევნია ევროპაში ვიბრძოლო უფასოდ, ვიდრე რუსეთში მილიარდის სანაცვლოდ!
საქართველოს მომავალი ევროპაშია".
