კლასიკური მაგალითი, როგორი "დამოუკიდებელი" მართლმსაჯულება გვაქვს - მელიას ადვოკატი
ნიკა მელიას ადვოკატი გიორგი კონდახიშვილი მოსამართლე ნინო ჩახნაშვილის გადაწყვეტილებას ეხმაურება, მოსამართლემ ენმ-ს თავმჯდომარეს აღკვეთი ღონისძიება პატიმრობა 40 000-ლარიანი გირაოთი შეუცვალა.
მისი თქმით, "დღეს იყო კლასიკური მაგალითი, როგორი "დამოუკიდებელი" მართლმსაჯულება გვაქვს":
ჰოი, საოცრებავ, "დამოუკიდებელმა მართლმსაჯულებამ" მიიღო გადაწყვეტილება და მოსამართლის გადაწყვეტილება ერთმნიშვნელოვნად დაემთხვა პროკურატურის შუამდგომლობას და იმ თანხას, რომელიც ევროკავშირმა გადმორიცხა ნიკა მელიას ტყვეობიდან დასახსნელად"- აცხადებს ადვოკატი.