უაქციზო სიგარეტის შენახვა-გადაზიდვის ფაქტებზე სამი პირი დააკავეს

11.05.21 10:15
უაქციზო სიგარეტის შენახვა-გადაზიდვის ფაქტებზე სამი პირი დააკავეს

საგამოძიებო სამსახურმა ჯგუფის მიერ დიდი ოდენობით უაქციზო სიგარეტის შენახვა-გადაზიდვის ორ ფაქტზე  სამი პირი დააკავა. 

როგორც tvpirveli.ge- ს საქართველოს ფინანსთა სამინისტროს საგამოძიებო სამსახურიდან აცნობეს,  უწყების მიერ გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, გამოვლინდა ჯგუფის მიერ დიდი ოდენობით უაქციზო სიგარეტის შენახვა-გადაზიდვის 2 ფაქტი, რაზედაც დაკავებულია 3 პირი.

საგამოძიებო მოქმედებების შედეგად, სამეგრელოს რეგიონში ამოღებულია სარეალიზაციოდ განკუთვნილი 10 338  კოლოფი, ხოლო თბილისში,  1 477 კოლოფი უაქციზო სიგარეტი. ამოღებული საქონლის ჯამური საბაზრო ღირებულება 50 000 ლარს აღემატება"- წერია განცხადებაში. 

უწყების ცნობით, გამოძიების პროცესში ასევე ამოღებულ იქნა უაქციზო სიგარეტის გადაზიდვისათვის გამოყენებული  სატრანსპორტო საშუალებები. 

გამოძიება მიმდინარეობს საქართველოს სისხლის სამართლის კოდექსის მე-200 მუხლის მე-2 და მე-3 ნაწილებით, რაც სასჯელის სახით ითვალისწინებს თავისუფლების აღკვეთას ვადით 6-დან  8 წლამდე.