9 აპრილის ტრაგედიიდან 34 წელი გავიდა. დღე, რომელმაც საქართველოს დამოუკიდებლობისთვის ბრძოლის ბედი გადაწყვიტა. 34- წლის წინ, ზუსტად ამ დღეს, საბჭოთა საჯარისო ნაწილებმა ქართველი მშვიდობიანი მომიტინგეეები რუსთაველზე დაარბია. 2 550 ჯარისკაცი, 6 ჯავ­შანტრან­სპორ­ტი­ორი, დე­სან­ტის 8 საბ­რძო­ლო მან­ქა­ნა, 4 სახან­ძრო  და 2 სა­ნი­ტა­რუ­ლი ავ­ტო­მო­ბი­ლი 10 ათასი  მშვიდობიანი დემონსტრაციის წინააღმდეგ იგორ როდიონოვის ხელმძღვანელობით გაიყვანეს. თავისუფლებისთვის მებრძოლი ხალხის წინააღმდეგ გამოიყენეს მხუთავი აირი. აქციის მონაწილეებს შლიდნენ ნიჩბებისა და ცეცხლსასროლი იარაღის გამოყენებით.

ტრაგედიას 21 გმირი მსხვერპლი ჰყავს. მათ შორის 3 ბავშვია. დაუდგენელი ქიმიური ნივთიერებით მოიწამლა ორი ათასამდე მომიტინგე. ასობით ადამიანი დაჭრეს და დაასახიჩრეს.

ტრაგედიიდან ზუსტად 2 წლის თავზე, სიმბოლურად ამ დღეს, ზვიად გამსახურდიამ საქართველოს დამოუკიდებლობა გამოაცხადა.

9 აპრილს, დამოუკიდებლობისთვის ბრძოლას შეეწირნენ: 

აზა ადამია - 22 წლის;
თამუნა დოლიძე - 28 წლის;
მზია ჯინჭარაძე - 43 წლის;
გია ქარსელაძე - 25 წლის;
თამუნა ჭოველიძე - 16 წლის;
ნათია ბაშალეიშვილი - 16 წლის;
ეკა ბეჟანიშვილი - 16 წლის;
თინა ენუქიძე - 70 წლის;
ნანა სამარგულიანი - 30 წლის;
ელისო ჭიპაშვილი - 25 წლის;
მამუკა ნოზაძე - 22 წლის;
ნატო გიორგაძე - 23 წლის;
ვენერა მეტრეველი;
მანანა ლოლაძე - 33 წლის;
ნოდარ ჯანგირაშვილი - 40 წლის;
ზაირა კიკვიძე - 61 წლის;
მანანა მელქაძე - 23 წლის;
ნინო თოიძე - 25 წლის;
თამარ მამულაშვილი - 50 წლის;
მარინე ჭყონია - 25 წლის;
შალვა ქვასროლიაშვილი.