თბილისის ცენტრში, ყაზბეგის გამზირზე, მსუბუქ ავტომობილს ცეცხლი გაუჩნდა. tvpirveli.ge -ს  ინფორმაციით, მომხდარს წინ ავტოსაგზაო შემთხვევა უძღოდა. კერძოდ, ერთმანეთს სამი ავტომობილი შეეჯახა, რომელთაგანაც ერთ-ერთი აალდა. 

ავტოსაგზაო შემთხვევის შედეგად 4 ადამიანი დაშავდა. 

tvpirveli.ge-ს  შინაგან საქმეთა სამინისტროში უთხრეს, რომ გამოძიება სისხლის სამართლის კოდექსის 276-ე მუხლის მეორე ნაწილით მიმდინარეობს. ადგილზე სამაშველო, სასწრაფო და საპატრულო ეკიპაჟებია მობილიზებული.