აგვისტოს ომის მონაწილე დღეს ოკუპირებული ცხინვალის ციხეში გატარებულ დღებს ქართულ მედიასთან იხსენებდა. უკანონო პატიმრობიდან გათავისუფლებული მამუკა ჩხიკვაძე არ მალავს, რომ თითქმის ორი წელი სამარტოო საკანში წამებასთან გათანაბრებულ პირობებში და ფსიქოლოგიურ ტერორში იყო. ყოფილ ჯარისკაცს პრაქტიკულად ჯაშუშობას და ქართველი სამხედროების შესახებ ინფორმაციის მიწოდებას აიძულებდნენ.

ჩხიკვაძესთან ერთად დეფაქტო რეჟიმმა მძევლობიდან გაათავისულა კახაბერ ნათაძეც. ორივე საქართველოს კონტროლირებად ტერიტორიაზე გუშინ ღამით გადმოუშვეს, თუმცა ახლა ოკუპირებული რეგიონის ციხეში უკანონო პატიმრობაში საქართველოს კიდევ ოთხი მოქალაქე რჩება.

დეტალები ნახეთ, "პირველების" რეპორტაჟში.