სისხლიანი ანგარიშსწორება ჩუმლაყში - დაკავებულია ერთი პირი

04.06.21 11:08
სისხლიანი ანგარიშსწორება ჩუმლაყში - დაკავებულია ერთი პირი

პოლიციამ  გურჯანის რაიონის სოფელ ჩუმლაყში  აპრილში მომხდარ დაჭრის ფაქტზე  1 პირი დააკავა. უწყების ცნობით, ჯანმრთელობის განზრახ მძიმე დაზიანების ბრალდებით 34 წლის კაცი დააკავეს.

გამოძიებით დადგინდა, რომ ბრალდებულმა გურჯაანის მუნიციპალიტეტის სოფელ ჩუმლაყში, მიმდინარე წლის აპრილის თვეში ურთიერთშელაპარაკებისას, ნაცნობი - 1971 წელს დაბადებული დ.ნ. ცივი იარაღის გამოყენებით გულმკერდის არეში დაჭრა. დაჭრილი მამაკაცი საავადმყოფოში გადაიყვანეს, სადაც შესაბამისი სამედიცინო დახმარება ჩაუტარდა"- აცხადებენ უწყებაში.

პოლიციამ დანაშაულის ჩადენის იარაღი, დანა, ნივთმტკიცების სახით ამოიღო.

გამოძიება საქართველოს სსკ-ის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

დანაშაული 3-დან 6 წლამდე ვადით თავისუფლების აღკვეთას ითვალისწინებს.

მსგავსი სიახლეები