ნინოწმინდის პანსიონიდან შშმ ბავშვები გაიყვანეს

06.06.21 20:04
ნინოწმინდის პანსიონიდან შშმ ბავშვები გაიყვანეს

ნინოწმინდის პანსიონიდან საქალაქო სასამართლოს განჩინების საფუძველზე შშმ ბავშვები გაიყვანეს. პანსიონიდან გაყვანილია 7 შშმ  ბავშვი.

ბავშვების გადანაწილებას ჯანდაცვის სამინისტრო უზრუნველყოფს.

დღეს დილიდან პანსიონი კიდევ  9 ბავშვმა დატოვა. ბავშვებს  მშობლებმა მოაკითხეს და მათი განმარტებით, საზაფხულო არდადეგების გამო  წაიყვანეს.

შეგახსენებთ, რომ გუშინ,  PHR-ის შუამდგომლობა სასამართლომ  ნაწილობრივ  დააკმაყოფილა და  განჩინების მიხედვით, შშმ ბავშვების პანსიონიდან გაყვანა სახელმწიფოს  დაევალა.