დაჭრა ბათუმში - დაკავებულია ერთი პირი

10.06.21 15:38
დაჭრა ბათუმში - დაკავებულია ერთი პირი

ბათუმში "ირაოს" თანამშრომლის დაჭრაში სავარაუდო მონაწილე დაკავებულია.  შს სამინისტროს ცნობით, პოლიციამ ბრალდებული ცხელ კვალზე დააკავა.

უწყებაში აღნიშნავენ, რომ სამართალდამცველებმა დანაშაულის
ჩადენის იარაღი - დანა, ნივთმტკიცების სახით ამოიღეს.

განზრახ მკვლელობის მცდელობის ფაქტზე გამოძიება საქართველოს სისხლის
სამართლის კოდექსის 19-108-ე მუხლით მიმდინარეობს.

გამოძიებით დადგინდა, რომ ბრალდებულმა ბათუმში, ზუბალაშვილის ქუჩაზე, 1991
წელს დაბადებული კ.ფ. ცივი იარაღის გამოყენებით დაჭრა. დაჭრილი მამაკაცი
საავადმყოფოშია მოთავსებული, სადაც შესაბამისი სამედიცინო დახმარება
უტარდება.

დანაშაული 7-დან 15 წლამდე ვადით თავისუფლების აღკვეთას ითვალისწინებს.