ნამოხვანის აქციის კიდევ ერთი მონაწილე დააკავეს

10.06.21 18:11
ნამოხვანის აქციის კიდევ ერთი მონაწილე დააკავეს

პოლიციამ  ნამოხვანის აქციის კიდევ ერთი მონაწილე დააკავა. როგორც შსს-ში განმარტავენ, 1993 წელს დაბადებული დ. ხ  29 მაისს წყალტუბოს მუნიციპალიტეტის სოფელ გუმათში, ნამახვანჰესის მოწინააღმდეგეთა საპროტესტო აქციაზე, სამსახურებრივი მოვალეობის შესრულების პროცესში მყოფ პოლიციის თანამშრომელს თავს დაესხა და ფიზიკური შეურაცხყოფა მიაყენა.

დ.ხ-ს ბრალი უკვე წარედგინა.

ნამოხვანის აქციის ერთი მონაწილე პოლიციამ რამდენიმე დღის წინაც დააკავა. 1992 წელს დაბადებულ ირაკლი მუკბანიანს ქუთაისის სასამართლომ აღკვეთის ღონისძიების სახით პატიმრობა შეუფარდა.