დაკავებულია პირი, რომელიც კომპანიის ფულს საკუთარი ინტერებისთვის  ხარჯავდა. სააქციო  საზოგადოების ფინანსურმა და ადმინისტრირების დეპარტამენტის უფროსმა, რომელსაც ხელბორკილები დაადეს, საგამოძიებო  სამსახურის ცნობით, სამსახურებრივი უფლებამოსილების გამოყენებით  2 მილიონ ლარამდე ოდენობის თანხის მითვისება შეძლო. დაკავებულს 11 წლამდე პატიმრობა ემუქრება. ის ახლა  წინასწარი მოთავების იზოლატორშია.

"გამოძიებით დადგინდა, რომ ბრალდებულმა, რომელიც დასაქმებული იყო ერთ-ერთ სააქციო საზოგადოებაში ფინანსური და ადმინისტრირების დეპარტამენტის უფროსის პოზიციაზე და რომელსაც მინდობილი ჰქონდა კომპანიის საბანკო ანგარიშების მართვის უფლება, უკანონო მატერიალური სარგებლის მიღების მიზნით, მიითვისა კომპანიის კუთვნილი დაახლოებით 1 630 000 ლარი", - წერია განცხადებაში.

აღნიშნული ქმედება გათვალისწინებულია საქართველოს სისხლის სამართლის კოდექსის 182-ე მუხლის მეორე და მესამე ნაწილებით, რაც სასჯელის სახით ითვალისწინებს თავისუფლების აღკვეთას 7-დან 11 წლამდე ვადით.