როგორ უნდა მოხდეს ოკუპანტების ტყვეობიდან ქართველი მებრძოლების გათავისუფლება - სამხედრო ექსპერტები გამოსავალზე საუბრობენ. გიორგი თავდგირიძე პროცესში წითელი ჯვრის ჩართულობის და ასევე უკრაინის რადას სპეციალურ წარმომადგენლობასთან კომუნიკაციის აუცილებლობაზე საუბრობს. მისი თქმით, მნიშვნელოვანია ასევე ისეთი ქვეყნების ჩართულობაც, რომელთაც რუსეთზე ზემოქმედების ბერკეტები გააჩნიათ.

მე არ ვარ დარწმუნებული, რომ საქართველოს ხელისუფლებას, მიუხედავად იმისა, რომ ისინი აწარმოებენ სტრატეგიულად თავდახრის პოლიტიკას თუ არგაღიზიანების პოლიტიკას, ჰქონდეს რაიმე სერიოზული ბერკეტი რუსეთთან ამ ტიპის კომუნიკაციის დასამყარებლად. რა თქმა უნდა, საქართველოს ხელისუფლებამ უნდა უზრუნველყოს კომუნიკაცია უკრაინის უმაღლესი რადის სპეციალურ რწმუნებულთან, რომელიც ყოველდღიურ რეჟიმშია დაკავებული რუსეთთან კომუნიკაციით ტყვეებთან დაკავშირებით. მეორე, რაც მთავარი ნაბიჯია, ეს შეიძლება წითელი ჯვრის ქართულ ორგანიზაციასთან დაკავშირებით უკრაინა იქნება ყველაზე ეფექტიანი ბერკეტი ტყვეების გაცვლასთან დაკავშირებით და მათ ბედთან დაკავშირებით და ამიტომ უკრაინას ენდობიან, მაგრამ ყოველწუთიერად საქმის კურსში არიან რა მდგომარეობაა ან უნდა ჩართონ ისეთი ქვეყნები,  რომელზეც თვლიან, რომ ამ ქვეყნებს რუსეთზე ზემოქმედების ძლიერი ბერკეტები აქვთ, ასეთი შეიძლება იყოს თურქეთი, ჩინეთი, - ამბობს გიორგი თავდგირიძე. 

შეგახსენებთ, რომ ქართველების ტყვედ ჩავარდნის შესახებ ინფორმაცია პირველად რუსეთის თავდაცვის სამინისტრომ გაავრცელა. გაავრცელეს ასევე ვიდეომიმართვებიც, სადაც ისინი საქართველოს მოქალაქეებს წინასწარ დაწერილი ტექსტებით ალაპარაკებენ, რომელიც რუსული პროპაგანდისტული შინაარსისაა. 

ერთ-ერთს ძალადობის კვალი სახეზე ეტყობა, რაც ცხადყოფს, რომ ქართველებს ტექსტის წაკითხვა ზეწოლის ქვეშ მოუწიათ.

გავრცელებული ინფორმაციით, ორი ქართველი რუსმა ოკუპანტებმა ტყვედ დონეცკის მახლობლად აიყვანეს. 

ოკუპანტების ტყვეობაში საქართველოს მოქალაქეები მესამე დღეა იმყოფებიან. არცერთი განცხადება და არცერთი ნაბიჯი ტყვეების გასათავისუფლებლად ოპოზიციის განცხადებით, "ოცნებას" არ გადაუდგამს.