სამხედრო მეცნიერებათა დოქტორი, ანალიტიკური ორგანიზაცია "ჯეოქეისის" მრჩეველი ვახტანგ კაპანაძე ამბობს, რომ ქართველ ტყვეებს რუსები მარტივად არ დათმობენ, რადგან ისინი კარგ ლუკმა არიან მათთვის პროპაგანდის თვალსაზრისით.

აქტიურად უნდა იყოს ჩართული ჩვენი ატაშე, დიპლომატიური კორპუსი, საერთაშორისო პარტნიორები, მაგრამ, სამწუხარო, მე ეჭვი მეპარება, რომ რუსები ასე ადვილად დათმობენ ასეთ კარგ ლუკმას, რომელიც პროპაგანდის თვალსაზრისით მათთვის ძალიან მომგებიანია" - ამბობს გენერალი.

რუსული ტერორის ქვეშ მყოფი ქართველი ტყვეები. პუტინის მედია გიორგი შუბითიძისა და გიორგი გოგლიძის დაკავების  კადრებს ავრცელებს. გაკოჭილ მებრძოლებს სასტიკად ეპყრობიან, მიუხედავად იმისა, რომ ტყვეები არანაირ წინააღმდეგობას არ უწევენ. რუსული "ენ ტე ვე" კი ერთ-ერთი მებრძოლის მორიგ ჩვენებას აქვეყნებს, სადაც გიორგი შუბითიძე ყვება, რომ ის მაიდანის მოვლენებში სააკაშვილის თანაგუნდელებმა ჩართეს და უკრაინელების მკვლელობა დაავალეს. 

ეს ვიდეო უკრაინაში მებრძოლი ქართველებისთვის კიდევ ერთი მტკიცებულებაა, რომ ქართველი ტყვეები უმძიმესი ტერორის ქვეშ იმყოფებიან და მათ აიძულებენ წინასწარ დაწერილი ტექსტები იკითხონ. დანამდვილებით იციან, რომ შუბითიძეს კიევის მაიდანთან შეხება არ ქონია. ამ ფონზე კი დღემდე უცნობია რას აკეთებს ქართული სახელმწიფო საკუთარი მოქალაქეების დასაცავად. დღემდე საგარეო უწყება ერთი, ისიც არაოფიციალური განცხადებით შემოიფარგლა.