წყალტუბოში მიუსაფარ ძაღლს, სავარაუდოდ, პირში ასაფეთქებელი აუფეთქეს. ინფორმაცია სოციალურ ქსელში ვრცელდება.

Facebook-ის ერთ-ერთმა მომხმარებელმა წყალტუბოდან გამოაქვეყნა ვიდეო, სადაც ჩანს ძაღლი, რომელსაც პირის ღრუდან სისხლი სდის.

სოციალური ქსელის კიდევ ერთმა მომხმარებელმა კი, რომელმაც მიუსაფარი ცხოველი სამკურნალოდ გადაიყვანა, დაწერა, რომ ძაღლს, სავარაუდოდ, პირში ასაფეთქებელი აუფეთქეს.

გავრცელებული ინფორმაციის თანახმად, ძაღლი უკვე თბილისში, კლინიკაში იმყოფება.