ქართველები პუტინის ახალგაზრდულ ფორუმზე - ვინ წავიდა სოჭში?
სოჭში, პუტინის მიერ მხარდაჭერილ "მსოფლიო ახალგაზრდულ ფესტივალს" საქართველოდან 35 ადამიანი ესწრება - ამის შესახებ სიას "Эхо Кавказа" აქვეყნებს.
ირკვევა, რომ სოჭში იმყოფება ლალი მოროშკინაც, რომელიც რუსულ ტელეარხებზე საქართველო-რუსეთის ურთიერთობებზე კომენტარს აკეთებს.
ანა ხოტივრიშვილი - ისტორიის მეცნიერებათა კანდიდატი, პოსტსაბჭოთა ქვეყნების საერთაშორისო ურთიერთობების კვლევის ცენტრის დირექტორის მოადგილე;
იულია კლიუჩნიკოვა - რუსულენოვანი გიდი თბილისში;
ინესა როდინა -საქართველოს სამგზის ჩემპიონი სპორტულ აკრობატიკაში მარნეულიდან.
კარინე არაკელიანი - მასწავლებელი ნინოწმინდის მუნიციპალიტეტიდან;
ტატიანა ბალაბანოვა - სოფელ გორელოვკის მცხოვრები; რუსეთში ქართული თემის წარმომადგენლები- წერია სიაში.
ცნობისთვის, ფესტივალი რუსეთის პრეზიდენტის მხარდაჭერით ტარდება. პროექტი პირველი მარტიდან 7 მარტის ჩათვლით გაგრძელდება. საქართველოს რუსების წინაშე "პრიმაკოვის ფონდი" წარადგენს.
აქამდე, ფესტივალთან დაკავშირებით პუტინმა ვიდეომიმართვა გაავრცელა, რომელშიც "ერთა ძმობა" "რუსეთის საყრდენად და უპირატესობად" მოიხსენია.
