საჩხერე-უზუნთა-შქმერი-ზუდალის გზაზე გარკვეული სახის ტრანსპორტის მოძრაობა აიკრძალა
თოვის და დაბალი ტემპერატურის გამო, შიდასახელმწიფოებრივი მნიშვნელობის საჩხერე(სარეკი)-უზუნთა-შქმერი-ზუდალის საავტომობილო გზაზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა - ამის შესახებ ინფორმაციას საავტომობილო გზების დეპარტამენტი ავრცელებს.
უწყების ცნობით, გზაზე დანარჩენი სახის ავტოტრანსპორტის გადაადგილება თავისუფალია.