ონკოპაციენტები საპროტესტო აქციისთვის ემზადებიან - მძიმე დიაგნოზის მქონე პაციენტებს ჯანდაცვის ახალი მინისტრის ბოლო გადაწყვეტილებამ კითხვის ნიშნები გაუჩინა.

მიხეილ სარჯველაძის გადაწყვეტილებით, სიმსივნის დიაგნოზის მქონე ადამიანები  მკურნალობაზე დაწესებული 25 ათას-ლარიანი ლიმიტს კვლევებისა და სხივური თერაპიებისთვის გამოიყენებენ, თუმცა ახალი განკარგულება პაციენტებს კითხვებს უჩენთ.

ახლა მოქალაქეებს აინტერესებთ, დაფინანსდება თუ არა საჭირო გამოკვლევები, როგორიც არის გენეტიკური ანალიზი და ასევე რას მოიმოქმედებს სამინისტრო დეფიციტში არსებული პრეპარატების მოსამარაგებლად და რა პირობებით შეეძლებათ პაციენტებს დაფინანსების მიღება სასიცოცხლოდ მნიშვნელოვანი მედიკამენტების შესაძენად.

ონკოპაციენტები "პირველებთან" ამბობენ, რომ ჯანდაცვის სამინისტრომ მხოლოდ მცირე მოთხოვნები დააკმაყოფილა, ამიტომ ისინი საპროტესტო აქციების შეწყვეტას იქამდე არ აპირებენ, სანამ სიმსივნით დაავადებული ადამიანებისთვის სიცოცხლის უფლებას არ მოიპოვებენ.

ძალიან დიდი მადლობა ბატონ მიხეილს, რომ გულთან მიაქვს ონკოპაციენტების მდგომარეობა, მაგრამ ეს არ არის ის, რაც ჩვენ გვჭირდება. თუ ყველა პაციენტისთვის იქნება ხელმისაწვდომობა, რომ მათ მიიღონ წამლებზე წვდომა. ის მედიკამენტები, რომელიც არ იყო გათვალისწინებული და უამრავი ადამიანი დაფინანსების გარეთ იყო დარჩენილი, თუნდაც ამ ლიმიტირებული მედიკამენტების გარეთ, იმათ თუ დაუფინანსდებათ მედიკამენტები, დარჩენილი 25 ათას-ლარიანი ლიმიტით რას ჩაიტარებენ პაციენტები, რომელ აუცილებელ კვლევებს. როდის შესრულდება ჩვენი დაპირება და როდის გახდება ულიმიტო პერსონალიზებული მედიცინა. ეს მოგვარდება ძალიან მალე, 2-3 კვირაში. უნდა უფინანსდებოდეთ მარტივად, არ უნდა უწევდეთ კარდაკარ სიარული ფურცლებით. დაფინანსების მოთხოვნით მთავრობის წევრის მოძებნა არ უნდა სჭირდებოდეთ, რომ სიტყვა შეაწიონ", - ამბობს პაციენტი.