საქართველოს ეროვნულმა ბანკმა დღეს მორიგი სავალუტო აუქციონი განახორციელა და გასაყიდად 60 მილიონი დოლარი გამოიტანა. აღნიშნული თანხიდან ბაზარმა 48.7 მილიონი დოლარი აითვისა. საშუალო შეწონილმა გაცვლითმა კურსმა 2.7829 შეადგინა.

ინტერვენციის შედეგად Bloomberg-ის სავალუტო სისტემაში დოლარის ღირებულება, რაც იქამდე 2.8149-ს შეადგენდა, ჯერ 2.7829-მდე შემცირდა, ხოლო ამჟამად ის 2.7910-ს შეადგენს. 

სებ-მა წინა აუქციონი 16 მაისს გამართა და 60 მილიონი დოლარი გაყიდა.