აპირებენ, მედიას გარეთ ტერაქტები მოუწყონ, შიგნით კი ფინანსურად მოგუდონ - ვატო წერეთელი

28.07.21 11:25
აპირებენ, მედიას გარეთ ტერაქტები მოუწყონ, შიგნით კი ფინანსურად მოგუდონ - ვატო წერეთელი

ხელისუფლების რეპრესიები მედიის წინააღმდეგ - "ტვ პირველის" დამფუძნებლის თქმით, ჟურნალისტების მიმართ ფიზიკური ანგარიშსწორების, დევნისა და ძალადობის შემდეგ,  ,,ქართულმა ოცნებამ" კრიტიკული მედიის ფინანსურად მოგუდვა გადაწყვიტა. 

ვატო წერეთელი ამბობს, რომ მძიმე მდგომარეობაში მყოფი ხელისუფლების სურვილია 4 კრიტიკული მედია საარჩევნოდ გააჩუმოს. 

აპირებენ, მედიას გარეთ ტერაქტები მოუწყონ, შიგნით კი ფინანსურად მოგუდონ. გარეთ გახვალ და დაგასახიჩრებენ, შიგნით ფინანსები არ გექნება. ეს კეთდება იმიტომ, რომ 4 კრიტიკული არხი გაითიშოს და იყოს შავი ფონი. 

სწორედ მედია იყო, ის ვინც წინა არჩევნებზე უპრეცენდენტო დარღვევები აჩვენა. ჩვენ ვიცით "ქართული ოცნების" შიდა კვლევები, სადაც მათ 43%-ის აღების თეორიული შანსიც კი არ აქვთ. აწყობთ, რომ გათიშონ არხები და დაწერონ ის პროცენტი, რაც აწყობთ. 

მინდა, ვუთხრა ხელისუფლებას - შანსი გაქვთ ნული! ერთს გათიშავთ, მეორე იმაუწყებლებს. მეორეს გათიშავთ, მესამე და ასე შემდეგ. გამორიცხულია, თქვენ რამე დაგვიშავოთ"- აცხადებს წერეთელი.