სვანეთში, მწვერვალ შხელდაზე მყოფი სამი მთამსვლელი ვერტმფრენის დახმარებით მესტიაში გადმოიყვანეს. ისინი თავს კარგად გრძნობენ და უვნებლები არიან. ამის შესახებ ინფორმაციას შსს ავრცელებს.

უწყება მთამსვლელებზე დაყრდნობით წერს, რომ ერთ-ერთი მთამვსლელი, სავარაუდოდ, მეხის დაცეის შედეგად გარდაიცვალა, დარჩენილი სამი კი დამოუკიდებლად გადაადგილებას ვერ ახერხებდა. 

შსს ინფრომაციით, გარდაცვლილი მთამსვლელის ცხედრის სამძებრო ოპერაცია ამ დრომდე მიმდინარეობს. 

შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებმა, სვანეთში, მწვერვალ შხელდაზე მყოფი სამი მთამსვლელი უვნებლად, სასაზღვრო პოლიციის ვერტმფრენის დახმარებით მესტიაში გადმოიყვანეს.

მთამსვლელების ინფორმაციით, მწვერვალზე მყოფი ერთ-ერთი პირი სავარაუდოდ მეხის დაცემის შედეგად გარდაიცვალა. მეტეოროლოგიური პირობების გაუარესების გამო კი, დარჩენილი სამი პიროვნება ვერ ახერხებდა დამოუკიდებლად გადაადგილებას და სამაშველო ჯგუფის დახმარება მოითხოვეს.

შეტყობინების შემოსვლისთანავე დაიგეგმა სამაშველო ღონისძიება, რომელშიც შინაგან საქმეთა სამინისტროს სასაზღვრო პოლიციის ვერტმფრენი და საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს, სამეგრელო ზემო-სვანეთის სახანძრო-სამაშველო განყოფილების მეხანძრე-მაშველები ჩაერთნენ.

უბედური შემთხვევის შედეგად გარდაცვლილი მთამსვლელის ცხედრის სამძებრო სამუშაოები ინტენსიურ რეჟიმში მიმდინარეობს, - ნათქვამია უწყების განცხადებაში.