უკრაინის ტერიტორიული მთლიანობა არ იქნება კომპრომისის საგანი, ყირიმი უკრაინაა, წერტილი - უკრაინის საგარეო
უკრაინის საგარეო საქმეთა სამინისტრომ ხაზგასმით აღნიშნა, რომ ყირიმის, როგორც უკრაინის ტერიტორიის სტატუსი განხილვას არ ექვემდებარება.
"უკრაინის ტერიტორიული მთლიანობა არასოდეს ყოფილა და არ შეიძლება იყოს განხილვის ან კომპრომისის საგანი. ყირიმი უკრაინაა. წერტილი" - აცხადებენ უკრაინის საგარეო საქმეთა სამინისტროში.
საგარეო ამბობს, რომ "ყირიმი არის ევროპული უსაფრთხოების არქიტექტურის სიმძიმის ცენტრი. მისი სრული აღდგენა შესაძლებელია მხოლოდ უკრაინის მთელი ტერიტორიის, მათ შორის უკრაინის ნახევარკუნძულის სრული დეოკუპაციის შემდეგ".
უკრაინის საგარეო საქმეთა სამინისტროს განცხადებაში არ არის ნახსენები სიკორსკი და არც ის, ვინ ცდილობს ყირიმის სტატუსის განხილვას.
თუმცა, ოფიციალურ ვებგვერდზე გამოქვეყნებულ განცხადებას აქვს სათაური "ყირიმის ავტონომიური რესპუბლიკისა და ქალაქ სევასტოპოლის სამომავლო სტატუსის შესახებ მიუღებელი წინადადებების შესახებ".
