ბიზნესმენის სახლს 16 ტყვია ესროლეს - მარნეულში მომხდარი ანგარიშსწორების ახალი დეტალები
მარნეულში, ბიზნესმენ შამო ორუჯოვის სახლს 16 ტყვია ესროლეს - "პირველებმა" სოფელ ყიზილაჯლოში მომხდარი ანგარიშსწორების ახალი დეტალები გაარკვია.
სროლა ღამის ხუთ საათზე მაშინ მოხდა, როცა ორუჯოვების სახლში ყველას ეძინა. მომხდარის შდეგად არავინ დაშავებულა.
რაც შეეხება ანგარიშსოწრების მოტივს, ირკვევა, რომ შამო ორუჯოვი ადგილობრივი ბიზნესმენია, რომელიც ლილოში რამდენიმე მაღაზიას ფლობს. ადგილობრივების თქმით, ე.წ. კრიმინალური ავტორიტეტების სახელით, გარკვეული პირები მამაკაცს 150 ათას ლარს სთხოვდნენ, უარის მიღების შემდეგ კი მასზე შურისძიება გადაწყვიტეს, სახლი დაუცხრილეს და ღამით დანაშაულის ადგილი ავტომობილით დატოვეს.
ორუჯოვების ოჯახში ამბობენ, რომ დამნაშავეების იდენტიფიცირება შუეძლიათ.
ოჯახი პოლიცია ამ დრომდე გაქცეულ დამნაშავეებს ეძებეს. შსს-ს მომხდარ ფაქტთან დაკავშირებით ოფიციალური ინფორმაცია ამ დრომდე არ გაუვრცელებია.
ცნობისთვის, მარნეულში ეს არ არის პირველი შემთხვევა, როცა ბიზნესმენების მიმართ ფულის გამოძალვას და მათ დაშინებას აქვს ადგილი. რამდენიმე დღის წინ, ერთ-ერთ ბიზნესმენს მაღაზიაში ხელყუმბარაც კი შეუგდეს.
