კიდევ ერთი ემიგრანტი სიის მიღმა -  ვენაში მყოფი მოქალაქე, ნანუკა მიქელაძე სოციალურ ქსელში წერს, რომ ამომრჩეველთა ბაზაში 8 ოქტომბრამდე აქტიური სტატუსი ჰქონდა, თუმცა, 9 ოქტომბერს საკონსულო აღრიცხვაზე მყოფის სტატუსი მოეხსნა. 

როგორც მიქელაძე ამბობს, 2 დღეა რეკავს და ცდილობს , სიტუაციაში გაერკვეს, თუმცა მათ კითხვებზე პასუხი არ აქვთ.

28 სექტემბერს, ავსტრიაში ჩამოვედი დილის 8 საათზე, საღამოს 8-სკენ გავაკეთე განაცხადი საკონსულო აღრიცხვაზე. მომივიდა მეილი - საკონსულო აღრიცხვის მოთხოვნის მიღების დადასტურება.

ორშაბათს რომ არ მომივიდა დასტური უკვე აღრიცხვაზე დადგომაზე, დავრეკე საკონსულოში, გადაამოწმეს სისტემაში და მითხრეს რომ ვარ საკონსულო აღრიცხვაზე, ჩემი განაცხადი წარმატებით დარეგისტრირდა. კითხვაზე მეილი რატომ არ მომივიდა, მითხრეს, რომ ალბათ სპამში ჩავარდა. ვკითხე იყო თუ არა ჩემგან რაიმე საჭირო, რაზეც მითხრეს, რომ არა, შემეძლო ხმის მისაცემად ვენაში ჩავსულიყავი. რამდენჯერმე გადავამოწმე ბაზაში ჩემი თავი 8 ოქტომბრამდე, სტატუსი იყო აქტიური.

9 ოქტომბერს ისევ შევამოწმე, სტატუსი - მოხსნილი. 2 დღეა ვრეკავ, მეუბნებიან, რომ “გამართულმა სისტემამ” ვერ აღიქვა, რომ საქართველოში აღარ ვიყავი. კითხვაზე, მაშინ რატომ დამიდასტურეს საკონსულო აღრიცხვაზე ყოფნა (სატელეფონო საუბრისას), პასუხი არ აქვთ" - წერს მიქელაძე.