ბათუმში, 30-ე საარჩევნო უბანზე სავარაუდოდ, ე.წ. კარუსელი დაფიქსირდა
ბათუმში, 30-ე საარჩევნო უბანზე “ოცნების“ კოორდინატორები 5 მეტრში არიან განლაგებული. როგორც “პირველებისთვის“ გახდა ცნობილი, აღნიშნულ უბანზე ასეევ დაფიქსირდა ე.წ. კარუსელიც.
როგორც აღმოჩნდა, რამდენიმე ადამიანს მარკირება ჰქონდა გავლილი, შემდეგ ისინი სპეციალურ მიკროავტობუსებში ავიდნენ, სადაც სითხე მოიშორეს და საარჩევნო უბანზე ხელახლა დაბრუნდნენ. შესაბამისად, ერთიდაიგივე ადამიანმა ხმის მიცემა რამდენჯერმე მოახერხა.
ადგილობრივი კორპუსის ამხანაგობის თავმჯდომარე საარჩევნო უბნის პერიმეტრს აქტიურად აკონტროლებს. მასთან ერთად მანქანაში ასევე იმყოფება მეორე ქალიც, რომელსაც აქვს სპეციალური სიები.
