სისხლიანი სუფრა ბორჯომში - 41 წლის კაცმა სტუმრად მყოფი პირი მოკლა

23.08.21 17:30
სისხლიანი სუფრა ბორჯომში - 41 წლის კაცმა სტუმრად მყოფი პირი მოკლა

მკვლელობა მოხდა ბორჯომში - შინაგან საქმეთა სამინისტროს ინფორმაციით, 41 წლის კაცმა 56 წლის კაცი მოკლა.

გამოძიებით დადგინდა, რომ ბრალდებულმა ქალაქ ბორჯომში, ურთიერთშელაპარაკების ნიადაგზე, სტუმრად მყოფ ნაცნობს - 1965 წელს დაბადებული რ.კ.-ს ცივი იარაღის გამოყენებით გულ-მკერდის არეში სასიკვდილო ჭრილობა მიაყენა, რის შედეგადაც დაჭრილი მამაკაცი ადგილზე გარდაიცვალა.

სამართალდამცველებმა ა.ნ ცხელ კვალზე, შემთხვევის ადგილზე დააკავეს.

პოლიციამ დანაშაულის ჩადენის იარაღი - დანა ნივთმტკიცების სახით ამოიღო.

განზრახ მკვლელობის ფაქტზე გამოძიება სისხლის სამართლის კოდექსის 108-ე მუხლით მიმდინარეობს.