ბჟანიას თქმით, სოხუმის აეროპორტში ტექნიკური ფრენები დაიწყო
დროებით ოკუპირებული აფხაზეთის ე.წ. პრეზიდენტის, ასლან ბჟანიას თქმით, ბოლო რამდენიმე დღის განმავლობაში სოხუმის აეროპორტში პირველი ტექნიკური რეისები განხორციელდა.
ბჟანია ამბობს, რომ ინვესტორმა საკუთარი ხარჯებით შეძლო ობიექტის უწყვეტი ელექტრომომარაგება.
2023 წლის შემოდგომაზე ცნობილი გახდა, რომ სოხუმის აეროპორტის აღდგენას შპს ინფრასტრუქტურის დეველოპმენტი განახორციელებს, რომელიც რუსეთის შს ყოფილი მინისტრის, რაშიდ ნურგალიევის ვაჟის კომპანიაა.
სამოქალაქო ავიაციის საერთაშორისო ორგანიზაცია სოხუმის აეროპორტს საერთაშორისო აეროპორტად არ ცნობს, ვინაიდან ის აღიარებს საქართველოს ტერიტორიულ მთლიანობას.
