ოკუპირებული აფხაზეთის ე.წ. ხელისუფლებისა და ოპოზიციის წარმომადგენლებმა მოლაპარაკებების შემდეგ ხელი მოაწერეს შეთანხმებას, რომლის მიხედვითაც ე.წ. პრეზიდენტი, ასლან ბჟანია„თანამდებობიდან“ გადადგება. ინფორმაციას რუსული მედია ბჟანიას პრესსამსახურზე დაყრდნობით ავრცელებს.

„ქვეყანაში სტაბილურობისა და კონსტიტუციური წესრიგის შენარჩუნების მიზნით, ვაცხადებ გადადგომას აფხაზეთის რესპუბლიკის პრეზიდენტის პოსტიდან“, - ნათქვამია ბჟანიას განცხადებაში.

შეთანხმების თანახმად, რომელსაც მხარეებმა მოაწერეს ხელი, ბჟანია გადადგება, ხოლო მოქალაქეები, რომლებიც სამთავრობო შენობების კომპლექსსა და მის ტერიტორიაზე არიან შეკრებილნი, 19 ნოემბერს დაიშლებიან: "ამ პუნქტის შეუსრულებლობის შემთხვევაში აფხაზეთის რესპუბლიკის პრეზიდენტი ბჟანია გადადგომის შესახებ განცხადებას უკან წაიღებს".